افسانہ : چھُٹّی

علیم اسماعیل کی کہانیوں کے تار و پود کا انسلاک اپنے اطراف و اکناف اور گوشہ و کنار ہی پر ہوتا ہے ـ خاص کر کرداروں کے پیش کرنے میں انھوں بیش از بیش اپنے قریبی اشخاص کو ترجیح دی ہے ـ افسانہ 'چھٹی 'جو ان کے افسانوی مجموعے 'رنجش' کا پہلا افسانہ ہے، دراصل علیم اسماعیل کے بڑے بھائی کی ناگہانی موت کے سبب ان کی زندگی میں برپا ہوئے ایک بوچھال کی لفظی تصویر ہے ـ جس میں انھوں نے ظاہراً مرکزی کردار کے بھائی کی رحلت اور اس کے بعد کے حزن و ملال کا جذباتی منظر کشید کیا ہے، مگر صاف محسوس ہوتا ہے کہ وہی اس کہانی کے مرکزی کردار ہیں ـ افسانے میں پلاٹ کی تنظیم، کہانی کی فضا بندی اور جذبات سے پر لفظی برتاؤ سے پورا افسانہ سوگوار کیفیت کا مرقع بن گیا ہے ـ افسانے کی قرت کرتے وقت لگتا ہے گویا لفظ لفظ سے آنسو مترشح ہیں ـ

mashallah bht khoob

khoob